Dende hoxe ata o 17 de decembro todo o alumnado do CEIP de Marcón pode participar no noso Concurso de Fotografía.
O obxectivo fundamental do concurso é facer reflexionar ao alumnado mediante a imaxe da riqueza paisaxística, cultural e etnográfica do seu contorno máis próximo. Así pretendemos que o alumnado capte lugares con encanto, monumentos singulares, recunchos de seu contorno ou se prefire, as mellores panorámicas nos lugares máis curiosos presentes no contorno do noso centro.
A condición máis importante é que Marcón, Tomeza e os seus arredores sexan o principal escenario, xa que “Marcón e o seu contorno, un lugar de foto” é o eslogan do concurso de fotografía que quere reunir imaxes do contorno do centro como unha achega máis ás actividades realizadas polo Equipo de Dinamización da Lingua Galega.
Podedes ver as bases do concurso en: https://drive.google.com/file/d/1ITyfbAfs9R2RQP6fE0ZLA2pykImYs1nN/view?usp=sharing
E non dubidedes de poñervos en contacto con nós en edlgmarcon@gmail.com para calquera consulta.
